Pro 26 | Ndebele | STEP | Njengeliqhwa elikhithikileyo ehlobo lanjengezulu ngesikhathi sokuvuna , ngokunjalo udumo kalusifanelanga isithutha .

a 1 Sam 12:17

b26:8, 19:10

c 17:7

d 27:8; Hlab 84:3

e 27:8; Hlab 84:3

f 30:10; Nani 23:8; Dute 23:5; 2 Sam 16:12

g Hlab 32:9

h 19:29

i 2 Sam 16:11; 2 Kho 18:36

j Mat 16:1-4, 21:24-27, 23:16-22,25,26

m26:8, 19:10

s22:29, 29:20, 12:15

y26:25, 6:16

ab14:10, 20:19, 24:21

ac 22:10

ad Isa 44:12, 54:16

ae 25:22; Hlab 140:10

af15:18, 29:22

ak Gen 42:7; 1 Kho 14:5,6

am26:25, 6:16

Proverbs 26

1 Njengeliqhwa elikhithikileyo ehlobo lanjengezulu ngesikhathi sokuvuna ^a, ngokunjalo udumo ^b kalusifanelanga isithutha ^c.

2 Njengenyoni ekuzulazuleni ^d, njengenkonjane ekuphapheni ^e, ngokunjalo isiqalekiso kungelasizatho kasiyikufika ^f.

3 Isiswepu ngesebhiza, itomu ngelikababhemi ^g, loswazi ngolomhlana wezithutha ^h.

4 Ungaphenduli isithutha ngokobuthutha baso, hlezi lawe ufanane laso ⁱ.

5 Phendula isithutha ngokobuthutha baso, hlezi sibe ngesihlakaniphileyo emehlweni aso ^j.

6 Othumela amazwi ngesandla sesithutha, uquma inyawo, unatha isihluku ^k.

7 Imilenze yesiqhuli iyalengalenga; sinjalo isaga emlonyeni wezithutha ^l.

8 Njengokubophela ilitshe esavutheni, unjalo onika udumo esithutheni ^m.

9 Njengameva enyuka esandleni sesidakwa ⁿ sinjalo isaga emlonyeni wezithutha ^o.

10 Omkhulu owabumba konke ^p uvuza isithutha, avuze abadlulayo.

11 Njengenja ebuyela emahlanzweni ayo ^qngokunjalo isithutha siphinda ubuthutha baso ^r.

12 Uyabona yini umuntu ohlakaniphileyo emehlweni akhe ^s? Kulethemba elikhulu esithutheni kulaye ^t.

13 Olivila uthi ^u: Kulesilwane endleleni; isilwane sisezitaladeni ^v.

14 Isivalo siphenduka ngamabhanti aso, ngokunjalo ivila embhedeni walo.

15 Ivila lifihla isandla salo emganwini, liyavilapha ukusibuyisela emlonyeni walo ^w.

16 Ivila lihlakaniphile emehlweni alo ^x okwedlula abayisikhombisa ^y abangaphendula ^z ngenhlakanipho ^aa.

17 Odlulayo engenela ingxabano engeyisiyo eyakhe ungobamba indlebe zenja ^ab.

18 Njengohlanya oluphosa izikhuni ezivuthayo, imitshoko, lokufa, 19 unjalo umuntu okhohlisa umakhelwane wakhe, abesesithi: Kangisomi yini?

20 Uba kungelankuni umlilo uyacitsha; njalo uba kungelakunyeya, ukuxabana kuyathula ^ac.

21 Njengamalahle ^ad emalahleni avuthayo, lenkuni emlilweni ^ae, unjalo umuntu wenkani ngowokubasa ingxabano ^af.

22 Amazwi onyeyayo anjengezibondlo ezehlela kokungaphakathi kwesisu ^ag.

23 Indebe ezivuthayo lenhliziyo embi ^ah kungamanyele esiliva ^ai ahuqa ukhamba ^aj.

24 Ozondayo uyazenzisa ngezindebe zakhe, kodwa ufaka inkohliso ngaphakathi kwakhe ^ak.

25 Lapho esenza ilizwi lakhe libe ngelomusa, ungamkholwa ^al, ngoba izinengiso eziyisikhombisa zisenhliziyweni yakhe ^am.

26 Inzondo isibekelwa ngenkohliso; ububi bakhe buzakwembulwa ^an ebandleni ^ao.

27 Ogebhayo umgodi uzawela kuwo ^ap, logiqa ilitshe, lizabuyela kuye ^aq.

28 Ulimi lwamanga luzonda olubachobozayo, lomlomo obutshelezi usebenza incithakalo.